Nataraja service IAllah Allah Cauveri Version

ಈ ವರ್ಷದ ಸೂಪರ್ ಹಿಟ್ ಹಾಡು ನಟರಾಜ ಸರ್ವಿಸ್ ಚಿತ್ರದ ಅಲ್ಲಾ ಯಾ ಅಲ್ಲಾ... ಈ ಹಾಡಿಗೆ
ಸದ್ಯದ ನಮ್ಮ ಕಾವೇರಿ ಸಮಸ್ಯೆಯ ಪರಿಸ್ಥಿತಿಯನ್ನು ಹೋಲಿಸಿ ರಚಿಸಿದ ಸಾಲುಗಳು.. ಕೇಳಿ
ನಿಮ್ಮ ಅಭಿಪ್ರಾಯ ತಿಳಿಸಿ

ಗಾಯಕರು : ರವಿಕಿರಣ್ ಎಸ ಎಮ್

ಸಾಹಿತ್ಯ : ಸತೀಶ್ ಎ .ಎಸ್

ಮುಂಗಾರು ಮಳೆ -೨.. ಚಿತ್ರ ವಿಮರ್ಶೆ

ಮುಂಗಾರು ಮಳೆ -೨.. ಕನ್ನಡದ ಬಹು ನಿರೀಕ್ಷಿತ ಚಿತ್ರ...ಈ ಚಿತ್ರದ ಸೀಕ್ವೆಲ್ ಮಾಡಲು ಧೈರ್ಯ ಮಾಡಿದ ನಿರ್ದೇಶಕರಾದ ಶಶಾಂಕ್ ರವರನ್ನು ಅಭಿನಂದಿಸಲೇಬೇಕು....
ಕಾರಣ ಪ್ರೇಕ್ಷಕ ಚಿತ್ರದ ಪ್ರತಿ ಆಯಾಮವನ್ನು ಭಾಗ ೧ ಕ್ಕೆ ತಳುಕು ಹಾಕುವುದಂತೂ ಕಟ್ಟಿಟ್ಟ ಬುತ್ತಿ.. ಇದರ ಅರಿವಿರುವ ನಿರ್ದೇಶಕರು ಜವಾಬ್ದಾರಿಯುತವಾಗಿ ಕೆಲಸ ಮಾಡಿದ್ದಾರೆ ಸಿನಿಮಾ ನೋಡಿದ ಪ್ರೇಕ್ಷಕರಿಗೆ ಚಿತ್ರ ಬಿಡುಗಡೆಗೆ ಮುನ್ನವೇ ಸುಳಿವು ಕೊಟ್ಟಿದ್ದಾರೆ..
"ಕಾಲ ಬದಲಾಗಿದೆ..
ಪ್ರೀತಂ ಕೂಡ ಬದಲಾಗಿದ್ದಾನೆ..
ಅವನ ದೃಷ್ಠಿಕೋನವು ಬದಲಾಗಿದೆ"
ಆದರೆ....

"ನೋಡುಗರ ದೃಷ್ಠಿಕೋನವೂ ಬದಲಾಗಬೇಕಿದೆ"
ಸಿನಿಮಾ ನೋಡದ ಎಷ್ಟೋ ಜನ..ಯಾರೋ ಕೆಲವರ ನೆಗೆಟೀವ್ ಪಬ್ಲಿಸಿಟಿಗೆ ಒಳಗಾಗಿ ಸಿನಿಮಾ ಚೆನ್ನಾಗಿಲ್ಲ ಎಂದೂ ನಿರ್ಧರಿಸುವುದು ಅದೆಷ್ಟರ ಮಟ್ಟಿಗೆ ಸರೀಯೋ ನಾ ಕಾಣೆ...
ರಿಮೇಕ್ ಸಿನಿಮಾಗಳಿಗೆ ಜೈ ಅನ್ನುವಾ ಮೊದಲೂ.. ನಮ್ಮ ನಿರ್ದೇಶಕರ ಕನ್ನಡದ ಸ್ವಮೇಕ್ ಚಿತ್ರಗಳಿಗೆ ಬಂಬಲಿಸಿ..ಒಬ್ಬ ನಿರ್ದೇಶಕ ಒಂದು ಸ್ವಮೇಕ್ ಚಿತ್ರವನ್ನು ತೆರೆಯ ಮೇಲೆ ತರುವುದು ಸುಲಭದ ಮಾತಲ್ಲ..ಆ ಚಿತ್ರವನ್ನು ನೋಡಿ ನಂತರ ಆ ಚಿತ್ರದ ಬಗ್ಗೆ ಕಮೆಂಟ್ ಮಾಡುವುದು ಸರಿ ಅನಿಸುತ್ತದೆ..ಯಾರೋ ಹೇಳಿದ ಮಾತನ್ನು ಕೇಳಿ ನಾವು ಸಿನಿಮಾ ಚೆನ್ನಾಗಿಲ್ಲ ಎಂದು ಹೇಳುವುದು ಒಬ್ಬ ಸದಭಿರುಚಿಯ ಪ್ರೇಕ್ಷಕನ ಲಕ್ಷಣವಲ್ಲ...
ಮುಂಗಾರು ಮಳೆ ಸಿನಿಮಾವನ್ನೆ ಬಯಸಿದ್ದೆ ಆದರೆ..ಭಟ್ಟರ ಭಾಗ ೧ ನ್ನು ನೋಡಬಹುದು..
ಇದು ಭಾಗ ೨....
ಕಣ್ಣಿಗೆ ಮುದ ನೀಡುವ ಶೇಖರ್ ಚಂದ್ರಾರವರ ಛಾಯಾಗ್ರಹಣವಿದೆ..
ಕಿವಿಗೆ ಇಂಪೆನಿಸುವ ಜನ್ಯಾರವರ ಸಂಗೀತವಿದೆ..
ಕವಿ ಶ್ರೇ಼ಷ್ಠರ ಸುಮಧುರ ಸಾಹಿತ್ಯವಿದೆ..
ಕಥೆಯ ನಿರೂಪಣಾ ಶೈಲಿಯಲ್ಲಿ ತಾಜಾತನವಿದೆ..
ಗಣೇಶ್ ಮತ್ತೊಮ್ಮೆ ಮನಸ್ಸಿಗೆ ಹತ್ತಿರವಾಗುತ್ತಾರೆ..
ರವಿಚಂದ್ರನ್ ಅಪ್ಪನ ಪಾತ್ರದಲ್ಲಿ "ಹೀರೋ" ಆಗಿದ್ದಾರೆ..
ನೇಹಾ ಶೆಟ್ಟಿ ಮೊದಲ ಚಿತ್ರದಲ್ಲೆ..ಚಂದನವನದಲ್ಲಿ ನೆಲೆಯೂರುವ ಮುನ್ಸೂಚನೆ ನೀಡಿದ್ದಾರೆ...
ಐಂದ್ರಿತಾ ..ಪಾತ್ರದಲ್ಲಿ ಪ್ರೀತಂಗೆ ಬೋರೆನಿಸುತ್ತಾರೆ ಆದರೆ ಪ್ರೇಕ್ಷಕನಿಗಲ್ಲ..
ಸಾಧುರವರು ಹಾಸ್ಯದಲ್ಲಿ, ರವಿಶಂಕರ್ ಅಪ್ಪನ ಪಾತ್ರದ ಗಂಭೀರ ನಟನೆಯಲ್ಲಿ ಇಷ್ಟವಾಗುತ್ತಾರೆ...
ಯೂರೋಪ್ ಹಾಗು ರಾಜಸ್ಥಾನ ಮತ್ತು ಮಡಿಕೇರಿಯ ರಮ್ಯ ಸ್ಥಾನಗಳು ಮತ್ತೆ ಮತ್ತೆ ನೋಡಬೇಕೆನಿಸುವಷ್ಟು ಅದ್ಬುತವಾಗಿ ಸೆರೆ ಹಿಡಿದಿದ್ದಾರೆ ಛಾಯಾಗ್ರಾಹಕರು..
ಇಷ್ಟೆಲ್ಲಾ ಇರುವ ಮುಂಗಾರುಮಳೆ ೨ ..ಸದಭಿರುಚಿಯ ಪೈಸಾ ವಸೂಲ್ ಮೂವಿ ಎಂದೂ ಹೇಳಿದರೆ ಅತಿಶಯೋಕ್ತಿ ಎನಿಸುವುದಿಲ್ಲ...
ಒಬ್ಬ ನಿರ್ದೇಶಕನಾಗಿ ಶಶಾಂಕ್ ರವರು ಗೆದ್ದಿದ್ದಾರೆ....ಬಂದ್ ಹಾಗು ಗಾಸಿಪ್ಗಳಿಂದ ಚಿತ್ರಕ್ಕೆ ಸ್ವಲ್ಪಮಟ್ಟಿನ ಹಿನ್ನಡೆಯಾಗಿದೆ..
ಕನ್ನಡ ಚಿತ್ರಗಳನ್ನು ಚಿತ್ರಮಂದಿರದಲ್ಲಿ ನೋಡಿ ಪ್ರೋತ್ಸಾಹಿಸಿ....
ವಿಶೇಷ ಸೂಚನೆ : ಯಾವುದೇ ಒಂದು ಸಿನಿಮಾವನ್ನು ವೀಕ್ಷಿಸದೆ.. ಯಾರದೋ ಮಾತನ್ನು ಕೇಳಿ..ಹೊಗಳದಿದ್ದರೂ ಪರವಾಗಿಲ್ಲ ತೆಗಳಬೇಡಿ...
ನಿರ್ದೇಶಕನ ಕನಸು, ನಿರ್ಮಾಪಕನ ಹಣ, ಕಲಾವಿದರ,ತಂತ್ರಜ್ಞರ ಶ್ರಮದ ಪ್ರತಿಫಲದಿಂದ ಒಂದು ಉತ್ತಮ ಚಿತ್ರವಾಗುತ್ತದೆ..ಹಲವಾರು ಜನರ ಭವಿಷ್ಯ ಅದರಲ್ಲಿ ಅಡಗಿರುತ್ತದೆ...
ಈ ಎಲ್ಲಾ ದಿಸೆಗಳಲ್ಲಿ ಮುಂಗಾರು ಮಳೆ ೨...ಒಂದು ಉತ್ತಮ ಚಿತ್ರ..
ನೋಡದೆ ಇದ್ದ ಪಕ್ಷದಲ್ಲಿ ..ನಿಮ್ಮ ದೃಷ್ಟಿಕೋನವನ್ನು ಬದಲಾಯಿಸಿಕೊಂಡು ವೀಕ್ಷಿಸಿ..

                                                            ಸತೀಶ್ ಎ.ಎಸ್

ನೀರ್ ದೋಸೆ ಚಿತ್ರ ವಿಮರ್ಶೆ

"ನೀರ್ ದೋಸೆ " - ಹೂಟ್ಟೆ ಹುಣ್ಣಾಗುವಷ್ಟು ನಗು ಮತ್ತು ಮನಸ್ಸಿಗೆ ಹತ್ತಿರವಾಗುವ ಮೌಲ್ಯಗಳನ್ನೊಳಗೊಂಡ ಸಂಭಾಷಣೆಯ ರಸವತ್ತಾದ ಔತಣ....
ನಿರ್ದೇಶಕ ವಿಜಯ್ ಪ್ರಸಾದ್ ಜೀವನದ ವಿವಿಧ ಅನುಭವಗಳನ್ನು ನಾಲ್ಕು ಪಾತ್ರಗಳ ಜೊತೆ ತಮ್ಮ ವಿಭಿನ್ನ ಹಾಸ್ಯದ ಸಂಭಾಷಣೆಯ ಮೂಲಕ ರುಚಿಯಾಗಿ ಉಣಬಡಿಸಿದ್ದಾರೆ..ಇದರಲ್ಲಿ ಉಪ್ಪು ಹುಳಿ ಕಾರ ಕಹಿ ಸಿಹಿ ಎಲ್ಲಾ ಇದೆ, ಮೇಲ್ನೋಟಕ್ಕೆ ಸಿನಿಮಾದಲ್ಲಿ ದ್ವಂದ್ವಾರ್ಥದ ಡೈಲಾಗ್ ಇರುವದಂತೂ ಸತ್ಯ ಆದರೆ ಪ್ರತಿ ಡೈಲಾಗ್ ಹಿಂದೆ ಜೀವನಕ್ಕೆ ಬೇಕಾದ ಮೌಲ್ಯಗಳು ತುಂಬಾ ಇದೆ.. ಸಿನಿಮಾ ನೋಡಿದ ಪ್ರೇಕ್ಷಕನ ಮುಖದಲ್ಲಿ ನಗು ಕಾಣುವುದಂತೂ ಸತ್ಯ..ಕೊಟ್ಟ ದುಡ್ಡಿಗೆ ಮೋಸವಿಲ್ಲ..

ಜಗ್ಗೇಶ್ ಸರ್ ಹೆಸರಿಗೆ ತಕ್ಕಂತೆ ನವರಸ ನಾಯಕ ಮತ್ತೊಮ್ಮೆ ಮಠ ಚಿತ್ರವನ್ನು ನೆನಪಿಸಿದ್ದಾರೆ ತಮ್ಮ ವಿಶಿಷ್ಠ ನಟನೆ ಹಾಗು ಮ್ಯಾನರಿಸಂನಿಂದ ರಂಜಿಸಿದ್ದಾರೆ...ಹಾಗು ದತ್ತಣ್ಣ ಈ ಪಾತ್ರದಿಂದ ಮತ್ತಷ್ಟು ಹತ್ತಿರವಾಗುತ್ತಾರೆ.. "ಆಗುವುದೆಲ್ಲಾ ಒಳ್ಳೆಯದಕ್ಕೆ" ಎಂಬುದು ಈ ಚಿತ್ರದಲ್ಲಿ ಹರಿಪ್ರಿಯಾರವರ ನಟನೆ ನೋಡಿ ನಿಜ ಅನಿಸಿತು..ಕಾರಣಾಂತರಗಳಿಂದ ಸಿಕ್ಕ ಪಾತ್ರಕ್ಕೆ ನೂರು ಪ್ರತಿಶಹ ನ್ಯಾಯ ಒದಗಿಸಿದ್ದಾರೆ..ಸುಮನಾ ರಂಗನಾಥ್ ಕೂಡ ತುಂಬಾ ಇಷ್ಟವಾಗುತ್ತಾರೆ..
ಈ ಚಿತ್ರದ ಮತ್ತೊಂದು ಧನಾತ್ಮಕ ಅಂಶ ಅನೂಪ್ ಸೀಳಿನ್ ರವರ ಹಿನ್ನಲೆ ಸಂಗೀತ..ಅದ್ಬುತವಾಗಿ ಮೂಡಿ ಬಂದಿದೆ..
"ಬದುಕಿನ ಎಲ್ಲಾ ಪಾಠಗಳನ್ನು ಅನುಭವಿಸಿ ಕಲಿಯಲು ಅಸಾಧ್ಯ..ಕೆಲವನ್ನು ಈ ಸಿನಿಮಾದಿಂದ ಕಲಿಯಬಹುದು ಎಂಬುದು ನನ್ನ ಅನಿಸಿಕೆ"
ಸಿನಿಮಾದ ಕೊನೆಯಲ್ಲಿ ಇಷ್ಟ ಆಗದೆ ಇದ್ರೆ ಮುಖಕ್ಕೆ ಉಗೀರಿ ಅಂತಾ ಹೇಳಿದಿರಾ....ನೋಡಿದ ಪ್ರತಿಯೊಬ್ಬರೂ ಹೊಗಳುತಿದ್ದಾರೆ...ಈ ಹೊಗಳಿಕೆ ಇಡೀ ಚಿತ್ರತಂಡಕ್ಕೆ..ವಿಶೇಷವಾಗಿ ನಿರ್ದೇಶಕ ವಿಜಯ್ ಪ್ರಸಾದ್ ಸರ್ ರವರಿಗೆ..

                                                                  ಸತೀಶ್ ಎ.ಎಸ್ ..

A TRIBUTE TO TEAM MUNGARU MALE 2

ಚಂದನವನದಲ್ಲಿ ಮತ್ತೆ ಮಳೆ ಸುರಿಸಲು ಮುಂದಾದ ಮುಂಗಾರು ಮಳೆ ೨ ತಂಡಕ್ಕೆ .... 
ಅಭಿಮಾನದ ಅಭಿನಂದನಾ ಗೀತಾರ್ಪಣೆ....
ಮುಂಗಾರು ಮಳೆ -೨.. ಕನ್ನಡದ ಬಹು ನಿರೀಕ್ಷಿತ ಚಿತ್ರ...ಈ ಚಿತ್ರದ ''ಸರಿಯಾಗಿ ನೆನಪಿದೆ ನನಗೆ" ಹಾಡಿಗೆ ಗುರುಗಳಾದ ಜಯಂತ್ ಕಾಯ್ಕಿಣಿವರು ಸಾಹಿತ್ಯ ಬರೆದಿದ್ದು ..ಎಲ್ಲರಿಗೂ ಇಷ್ಟವಾಗಿದ್ದು ಗುನುಗಲು ಶುರು ಮಾಡಿರುವುದಂತೂ ನಿಜ.. ಈ ಹಾಡಿನ ಸಂಗೀತಕ್ಕೆ ನನಗೂ ಸಾಹಿತ್ಯ ಬರೆಯಬೇಕೆನಿಸಿ ಮಾಡಿದ ಪ್ರಯತ್ನದ ಫಲ....ಈ ಸಾಲುಗಳು...
ಈ ಸಾಲುಗಳಿಗೆ ಧ್ವನಿಯಾಗಿರುವುದು ಗೆಳೆಯ ರವಿಕಿರಣ್
ಉತ್ತಮ ಸಂಗೀತ ನೀಡಿದ ಅರ್ಜುನ್ ಜನ್ಯಾರವರಿಗೆ ಹಾಗು ಸೀಕ್ವೆಲ್ ಮಾಡಲು ಧೈರ್ಯ ಮಾಡಿದ ನಿರ್ದೇಶಕರಾದ ಶಶಾಂಕ್ ರವರಿಗೆ ಧನ್ಯವಾದಗಳು....
ಮುಂಗಾರು ಮಳೆ ತಂಡಕ್ಕೆ ಶುಭಾಷಯಗಳು...
ಕನಸಲ್ಲಿ ಕೆಣಕಿದೆ ನನಗೆ...
ಇದಕೆಲ್ಲಾ ಕಾರಣ ಕಿರುನಗೆ...
ಮನದಾ..
ಪ್ರತಿ ಹಾಳೆಯೊಳಗೂ ನಿನದೇ ಬರವಣಿಗೆ...
ಕನಸಿನ ಒಲುಮೆಗೆ ಹೆಸರನು ಹುಡುಕುತಾ...
ಅಲೆದಾಡುವುದು....
ಇನ್ನು ಖಚಿತಾ.. ‌‌‌‌ |‌‌‌‌|ಕನಸಲ್ಲಿ||
ನಿನ್ನಲ್ಲೇ ಇದೆ‌ ಎಲ್ಲಾ ಉತ್ತರ...
ನೀನೆ ನನ್ನಯ ಪ್ರಶ್ನಾ ಪತ್ರಿಕೆ....
ಕಣ್ಣಾ ಮುಚ್ಚಲೂ ನೀನೆ ಕಾಣುವೆ..
ನೀನೆ ದೀವಿಗೆ ನನ್ನ ಬಾಳಿಗೆ...
ಬರೆದೂ ನಾನು ಮುದ್ದಾದ ಅಧ್ಯಾಯ...
ಕೂಗಿ ಹೇಳುವೆ ನಿನ್ನಸರೆ ಉಪಮೇಯ..
ನನ್ನಯ ಪ್ರತಿನುಡಿ ನಿನ್ನನೇ ಜಪಿಸುತಾ...
ಹಾಡಾಗುವುದು....
ಇನ್ನು ಖಚಿತಾ.... ||ಕನಸಲ್ಲಿ||
ನಿನ್ನ ನೋಟಕೆ ಸೋತು ಹೋಗಿದೆ..
ಗೆಲುವೆ ಬೇಡದ ನನ್ನ ಹೃದಯವೂ...
ನಿನ್ನ ಕಾಣದ ನನ್ನ ಜೀವಕೆ..
ಊಹೆ ಮೀರಿದ ಅಂಧಕಾರವೂ...
ಕಣ್ಣ ಕರೆಗೆ ನಾನಾದೆ ನಿನ್ನೋನು..
ಕಣ್ಣಂಚಲ್ಲೇ ಉಳಿಬೇಡ ನೀನಿನ್ನೂ...
ಕನಸಿನ ಮಡುವಲಿ ನೆನಪನೂ ಕೆದಕುತಾ...
ಕಳೆದೋಗುವುದು..
ಇನ್ನು ಖಚಿತಾ.... ‌‌‌||ಕನಸಲ್ಲಿ||

ಸಾಹಿತ್ಯ : ಸತೀಶ್ ಎ .ಎಸ್
ಗಾಯನ : ರವಿಕಿರಣ್ ಎಸ್ ಎಮ್

Trailer of kannada short movie "C"

click here to watch the Trailer of  "C" kananda short movie

ಸಲಾಂ....

ಕಣ್ಣೊಳಗಿನ ಕನ್ನಡಿ

 ಕನ್ನಡ ಚಿತ್ರರಂಗದ ಸ್ವಮೇಕ್ ರಿಮೇಕ್ ವಾದ ವಿವಾದಗಳ ನಡುವೆ ಮೊನ್ನೆ ನನ್ನ ಫ್ರೆಂಡ್ ಬ್ಲಾಗನಲ್ಲಿ ಓದಿದ ಒಂದು ಬರಹ ತುಂಬಾ ಇಷ್ಟವಾದ ಕಾರಣ ಇಂಗ್ಲಿಷ್ನಲ್ಲಿದ್ದ ಅದನ್ನು ಕನ್ನಡಕ್ಕೆ  ತರ್ಜುಮೆ ಮಾಡಬೇಕು ಅನ್ನಿಸಿತ್ತು  ಅವರಿಂದ  ಕಾಪಿ ರೈಟ್ಸ್ ಪಡೆದು ತರ್ಜುಮೆ ಮಾಡಿದ್ದೇನೆ. ತರ್ಜುಮೆಗೆ ಒಪ್ಪಿಗೆ ನೀಡಿದ್ದಕೆ ಧನ್ಯವಾದಗಳು ನಂದಿತಾವಿನಯ್ 

ಅಂಗ್ಲ ಭಾಷೆಯಲ್ಲಿ ಮೂಲ ಬರಹವನ್ನು ಓದಲು ಇಲ್ಲಿ ಕ್ಲಿಕ್ಕಿಸಿ 

 http://thought-traffik.blogspot.in/2014/06/story.html?m

ಪ್ರಪಂಚ ಪ್ರತಿಯೊಬ್ಬನು  ನೋಡುವ ರೀತಿಯ ಮೇಲೆ ಅವಲಂಬಿತವಾಗಿದೆ, ನೋಡುವ ಕಣ್ಣುಗಳಲ್ಲಿ ಪ್ರತಿಯೊಂದು ಸನ್ನಿವೇಶಗಳು ಅವರದೇ ಆದ ಆಯಾಮದಲ್ಲಿ ಚಿತ್ರಿಸಿಕೊಳ್ಳುತ್ತಾರೆ, ಚಿತ್ರಿಸಿಕೊಂಡ ನಂತರ ಒಮ್ಮೆ  ತಾಳ್ಮೆಯಿಂದ ವಿಶ್ಲೇಷಿಸಿದರೆ  ಅದೆಷ್ಟೋ ಸಮಸ್ಯೆಗಳು ಪರಿಹಾರವಾಗುತ್ತವೆ .

 ಅರ್ಥೈಸಿಕೊಂಡರೆ ಎದುರಿಗಿರುವವರ ಪ್ರತಿಯೊಂದು ಕಣ್ಣು ಒಂದೊಂದು ಕಥೆ ಹೇಳುತ್ತದೆ ...... 

ಕೆಲ ದಿನಗಳ ಹಿಂದೆ ಸಂಜೆ ಸೂರ್ಯ ತನ್ನ ದಿನಚರಿ ಮುಗಿಸಿ ಮನೆಗೆ ಹೊರಡುವ ಹುಮ್ಮಸ್ಸಿನಲ್ಲಿದ್ದ ಮುಸ್ಸಂಜೆಯ ಕತ್ತಲು ಕಿಕ್ಕಿರಿದ ಜನಸಂದಣಿಯ ನಡುವೆ ನಾನು ಸಿಟಿ ಬಸ್ಸನ್ನೇರಿ ಮನೆ ಸೇರುವ ತವಕದಲ್ಲಿದ್ದೆ. ದಿನವಿಡೀ ದುಡಿದು ತಮ್ಮ ಮನೆ ಸೇರುವ ಆತುರದಲ್ಲಿರುವ ಸಹಪ್ರಯಾಣಿಕರ ನೋಡಿದ ನನಗೆ ಅವರ ಕಣ್ಣುಗಳು ಒಂದೊಂದು ಕಥೆ ಹೇಳುವ ರೀತಿ ಭಾಸವಾಯಿತು. ಆ ಭಾಸಕ್ಕೆ ಅರ್ಥಕೊಟ್ಟು ಕಲ್ಪಿಸಿದ್ದಕ್ಕೆ ಸಿಕ್ಕ ಪಲಿತಾಂಶ ಈ ಅಂಕಣ ...

ನಾ ಗಮನಿಸಿದ  ಮೊದಲ ಕಣ್ಣುಗಳು ೩೦ ವಯಸ್ಸಿನ ಒಬ್ಬ ಮಹಿಳೆಯದ್ದು, ಆಕೆ ಆತನ ಗಂಡನ ಪಕ್ಕ ಕೂತಿದ್ದಳು, ಕಣ್ ತುಂಬಿ ಬಂದಿದ್ದರು ತಡೆ ಹಿಡಿದಿಟ್ಟಿದ್ದ ರಪ್ಪೆಗಳು ಏನನ್ನೋ ನೀರಿಕ್ಷಿಸುತ್ತಾ ಆಕೆಯ ಭಾರವಾದ ಹೃದಯಕ್ಕೆ ಸಂತೈಸುತ್ತಿರುವ  ಪ್ರಯತ್ನ ಮಾಡುವಂತಿತ್ತು. ಆಕೆಯು ತನ್ನ ಗಂಡನಿಂದ ಏನನ್ನೋ ನಿರಿಕ್ಷಿಸುತ್ತಿದ್ದಳು ಆಕೆಯ ಕೈಗಳು ತನ್ನ ಗಂಡನ ಹಿಡಿತಕ್ಕೆ ಹಾತೊರೆಯುತ್ತಿತ್ತು ಕೆಲ ಕ್ಷಣಗಳ ನಂತರ ತನ್ನ ಗಂಡನಿಗೆ ಕಾಯದೆ ತಾನೇ ಆತನೆಡೆಗೆ ತಿರುಗಿ ಮುಗುಳ್ನಕ್ಕು ಹೇಳಿದ್ದು ಕೇವಲ ಒಂದೇ ಪದ ''ಸಾರಿ'' .  ತದೇಕಚಿತ್ತದಿಂದ ಗಮನಿಸುತ್ತಿದ್ದ ನನಗೆ ಆ ಕಡೆಯಿಂದ ಕೇಳಿದ ಪ್ರತ್ಯುತ್ತರವು  ಒಂದೇ ಶಬ್ದ  ''ಸಾರಿ''.

ಏನಾಗಿತ್ತೋ ಅವರ ನಡುವೆ ನನಗಂತೂ ಅರಿವಿಲ್ಲ ಅದು ಅವರಿಗೂ ಬೇಕಾಗಿರಲಿಲ್ಲ ಎಲ್ಲಾ ಮರೆತ ಅವರ ಮುಖದಲ್ಲಿ  ನರ್ತಿಸುತಿದ್ದಿದ್ದು ''ನಿಷ್ಕಲ್ಮಶ ನಗು" ಗೆದ್ದಿದ್ದು ಅವರ ''ಪ್ರೀತಿ''

ನಾ ಗಮನಿಸಿದ ಮತ್ತೊಬ್ಬ ವ್ಯಕ್ತಿ ೭೦ ವರ್ಷ ವಯಸ್ಸಿನ ಒಬ್ಬ ಹಿರಿಯರನ್ನ,  ತಾನು ಕೂತಿದ್ದ ಸೀಟಿನ ಪಕ್ಕದಲ್ಲೇ ತನ್ನ ಮಡದಿಗೆ ಜಾಗವನ್ನು ಕಾದಿರಿಸಿ ಕೂರಿಸಿಕೊಂಡ ಆ ಮುಸ್ಸಂಜೆಯ ಪ್ರೀತಿಯ ಕಣ್ಣುಗಳಲ್ಲಿ ಬಹು ದೂರ ಪ್ರಯಾಣಿಸಿದ  ದಣಿವು ಕಾಣುತಿತ್ತು. ಅವರು ಕಿಟಕಿಯಿಂದಾಚೆಗಿನ ಆ ಕಲರ್ಫುಲ್ ದುನಿಯಾವನ್ನು ಕಣ್ ಮಿಟುಕಿಸದೆ ಮೌನದಿಂದ ನೋಡುತಿದ್ದ ರೀತಿ ಪ್ರಾಯಶಃ ಆ ನಗರಕ್ಕೆ ಹೊಸಬರಂತೆ ಬಿಂಬಿಸುತ್ತಿತ್ತು. 

ನಾ ನೋಡಿದ ಕಣ್ಣುಗಳ ಸಾಲಿಗೆ ಮತ್ತೊಂದು ಸೇರ್ಪಡೆ ಸುಮಾರು ೨ ವರ್ಷದ ಮಗು. ನಿಧಾನವಾಗಿ ಚಲಿಸುತ್ತಿದ್ದ ಬಸ್ಸಿನಲ್ಲಿ ತನ್ನ ಕೊರಳಿನಲ್ಲಿ ತೂಗಾಡುತ್ತಿದ್ದ ''ಛೋಟಾ ಭೀಮ್ '' ಬಾಟೆಲ್ನಲ್ಲಿ ನೀರನ್ನು ಹೀರುತ್ತಾ ತನ್ನದೇ ಆದ ಪ್ರಪಂಚದಲ್ಲಿ ಚಪ್ಪಾಳೆ ಹಾಕುತ್ತಾ ಸೀಟಿನಿಂದ ಕೆಳಗೆ ಬೀಳುವುದೆಂಬ ತಾಯಿಯ ಭಯವನ್ನು ಲೆಕ್ಕಿಸದೆ ಕುಣಿಯುತ್ತಾ  ರಾ,,,ಆಆಆಆಆಆ ...ಈಈಈ ಎಂದು ಹಾಡುತ್ತಿದ್ದ ಆ ಪುಟ್ಟ ಗಾಯಕ ತನ್ನ ಸುತ್ತಲಿನ ಪ್ರಪಂಚದ ಅರಿವಿಲ್ಲದೆ ತನ್ನದೇ ಲೋಕದಲ್ಲಿ ಯಾವುದೇ ಚಿಂತೆಯಿಲ್ಲದೆ ಮುಗ್ದತೆಯಿಂದ ನಗುತ್ತಿದ್ದ .....

 ನಾ ಮರೆಯಲಾಗದ ಮುಗ್ದ ಕಣ್ಣುಗಳು ದೇವರಿಗೆಂದು ತನ್ನ ತಲೆಕೂದಲನ್ನು ಜಡೆಯಾಗಿ ಮಾರ್ಪಡಿಸಿ ಮುಡಿ ಕಟ್ಟಿದ್ದ ಆ ಹಳ್ಳಿ ಹುಡುಗನದ್ದು, ಆತನು ಕೂಡ ಈ ಮಾಯಾನಗರಿಗೆ ಹೊಸಬನಿರಬೇಕು ತನ್ನ ಅಗಲವಾದ ಕಣ್ಣುಗಳಿಂದ ರಸ್ತೆಬದಿಯಲ್ಲಿರುವ ಪ್ರತಿ ಅಂಗಡಿಯ ಫಲಕಗಳನ್ನು ಜೋರಾದ ಧ್ವನಿಯಲ್ಲಿ ಓದುತ್ತಿದ್ದ . ನಿಧಾನಗತಿಯ ಟ್ರಾಫಿಕ್ ಕೂಡ  ಪ್ರತಿ ಫಲಕವನ್ನು ಓದಲು ಅನುವು ಮಾಡಿಕೊಡುತ್ತಿತ್ತು.  ಆತನ ಶ್ರದ್ದೆ ಎಷ್ಟಿತ್ತೆಂದರೆ  ಕಿಟಿಕಿಯ ಕಡೆಯಿಂದ ಮುಖವನ್ನೇ ತೆಗೆದಿರಲಿಲ್ಲ, ಬಸ್ಸಿನಿಂದ ಇಳಿಯುವಾಗ ಅವನ ಮುಖದಲ್ಲಿದ್ದ ನಗು ಕಿಟಿಕಿಯ ಗಾಜಿನ ಮುಸುಕಿನಿಂದ ಕಾಣದ ಸೌಂದರ್ಯವನ್ನು ತನ್ನ ತೆರೆದ ಕಣ್ಣಿನಿಂದ ಆಹ್ಲಾದಿಸಲು ಹೊರಟಂತಿತ್ತು.... ಎಲ್ಲೋ ಕೇಳಿದ ಮಾತು "ಸೌಂದರ್ಯ ನೋಡುವವರ ಕಣ್ಣು ಹಾಗು ಮನಸ್ಸಿನಲ್ಲಿ ಅಡಗಿರುತ್ತದೆ" ಎಂಬುದು ನಿಜ ಅನ್ನಿಸಿತು..

ಇಷ್ಟೆಲ್ಲಾ ಆದ ಮೇಲೆ ಐ ಟಿ ಸಿಟಿಯಲ್ಲಿ ಕಿವಿಗೆ ಇಯರ್ ಫೋನ್ ಹಾಕಿ ವೈಲ್ಡ್ ಕ್ರಾಫ್ಟ್ ಬ್ಯಾಗ್ ಹಿಡಿದು ಚಂದದ ಉಡುಗೆ ಉಟ್ಟಿರುವ ಯುವಕನ ತಪ್ಪಿಸಲು ಸಾಧ್ಯವೇ ? ಆತನ ಮೊಬೈಲ್ ರಿಂಗಣಿಸಿದಾಗ ಬೆಚ್ಚಿದಂತೆ ಮೊಬೈಲ್ ತೆಗೆದು ಸೈಲೆಂಟ್ ಮಾಡಿದ, ಬಸ್ಸಿನಲ್ಲಿರುವ ಜನ ಅವನೆಡೆಗೆ ಅಪರಾಧಿಯ  ರೀತಿ ನೋಡಿದ್ದು ಕಂಡು ಕಣ್ ಮುಚ್ಚಿ ತಲೆಯೊರಗಿಸಿ ಮಲಗಿದ,ಅವನ ತಲೆಯಲ್ಲಿ ಅದ್ಯಾವ ಸಿನಿಮಾ ಕಥೆ ಓಡುತಿತ್ತೋ ಸ್ವಲ್ಪ ಸಮಯದ ನಂತರ ಮತ್ತೆ ಕಣ್ ತೆಗೆದು ಕಂಡಕ್ಟರ್ ಬಳಿ ಚಿಲ್ಲರೆ ಪಡೆದು ಹೊರನೆಡೆದ....

ನಾವು ಹೋದಲ್ಲೆಲ್ಲ ಲಕ್ಷಾಂತರ ಜನರನ್ನು ನೋಡುತ್ತೇವೆ ಕೆಲವರು ಪರಿಚಿತರು ಅದೆಷ್ಟೋ ಅಪರಿಚಿತರು ಪ್ರತಿಯೋಬ್ಬರದು ಅವರದೇ ಆದ ಕಥೆಯಿರುತ್ತದೆ, ಅವರದೇ ಆದ ಸಂತೋಷ, ದುಃಖ, ಸಮಸ್ಯೆಗಳು, ನಾವು ಬೇರೊಬ್ಬರ ಕಥೆಯ ಪಾತ್ರವಾಗದಿರಬಹುದು ಆದರೆ ನಾವು ನಮ್ಮದೇ ಆದ ಒಂದು ಪಾತ್ರವನ್ನು ಪ್ರತಿದಿನ ಪ್ರತಿಕ್ಷಣ ನಿರ್ವಹಿಸುತ್ತಿರುತ್ತೇವೆ. ನಾವು ಕೇಳಿದ ಕಥೆಗಳು ಬೇರೊಬ್ಬರ ಜೀವನದ್ದೆ ಆದರು ನಮ್ಮ ಜೀವನವು ಬೇರೊಬ್ಬರಿಗೆ ಕಥೆಯಾಗಿರುತ್ತದೆ ...ಏನೇ  ಆದರು ಜೀವನ ಸಾಗುತ್ತಿರುತ್ತದೆ......  

                                                                                                        ಸತ್ಯ

ಕವನ ವಾಚನ

ನನ್ನೊಲವೇ

ನನ್ನ ಒಲವಿನ ಯಾನ..

                                                               ಸಾಹಿತಿಯಾಗಿ ಮೊದಲ ಪ್ರಯತ್ನ..

ನನ್ನಾಣೆ..

 

HAI ...pradeep...

Wish u happy birthdat dear,,

god bless u 

all ur drems come true.......

ಕಾಡುವ ಕವಿತೆ

ಹೊಸ ವರುಷ

 

ಹಾಯ್,,ನನ್ನೆಲ್ಲ ಬ್ಲಾಗ್ ಗೆಳೆಯ ಗೆಳತಿಯರಿಗೆ ಹೊಸ ವರ್ಷದ ಹಾರ್ದಿಕ ಶುಭಾಶಯಗಳು .....ಮುಂಬರುವ ವರುಷ ನಿಮ್ಮ ಬಾಳಲ್ಲಿ ಸುಖ ಶಾಂತಿ ನೆಮ್ಮದಿಯಿಂದ  ತುಂಬಿರಲಿ  .........
 

ಬಂದಿಹುದು ಹೊಸ ವರುಷ ,,,,,
ತರಲಿ ನಿಮ್ಮ ಬಾಳಲ್ಲಿ ಹರುಷ .....
ನೋವು ದೂರಾಗಲಿ..
ಮನಸು ಹಗುರಾಗಲಿ..
ನಲಿವು ನಿಮ್ಮದಾಗಲಿ..
ಒಲವು  ಚಿಗುರಲಿ...

ಸಹಬಾಳ್ವೆ  ಮೈಗೂಡಲಿ..
ಕುಶಿ ತುಂಬಿದ ವರುಷ.....೨೦೧೧..ನಿಮ್ಮ  ಬಾಳನ್ನು ಆವರಿಸಿಕೊಳ್ಳಲಿ ...

                                     ಇಂತಿ ನಿಮ್ಮ ಸ್ಟುಪಿಡ್ ಗೆಳೆಯ.......
                                                                   ಸತ್ಯ

ಮುರಿದ ಸಾಲುಗಳು

ಹಾಯ್ ಫ್ರೆಂಡ್ಸ್... ಈ ಅಂಕಣಕ್ಕೆ ಸ್ಪೂರ್ತಿ,,,

ಹುಚ್ಚು ಹುಡುಗಿಯ ಹತ್ತೆಂಟು ಕನಸುಗಳು,,ಎಂಬ,ಬ್ಲಾಗಿನ  ಹೆಸರಲ್ಲಿ,,,ಮನಸಿಗೆ ಹತ್ತಿರವಾದ ಕವನ ಹಾಗು ಅಂಕಣಗಳನ್ನು ಬರೆಯುತ್ತಿರುವ ಸೌಮ್ಯ ಎಂಬವರು,,,,

 ಬೋರ್ ಹೊಡಿಸೋ ಕ್ಲಾಸಿನಲ್ಲಿ ಕುಳಿತು ನೋಟ್ ಬುಕ್ ನ ಕೊನೆಯ ಪೇಜಿನಲ್ಲಿ ಗೀಚಿದ ಸಾಲುಗಳನ್ನು ಅವರು..... ಬೇಸರದ ಮನದ ಭಾವಗಳಿಗೆ "ಮುರಿದ ಸಾಲುಗಳು " "broken lines "ಎಂಬ ತಲೆ ಬರಹದೊಂದಿಗೆ ತುಂಬಾ ಅದ್ಬುತವಾಗಿ ಬರೆದಿದ್ದರು,,,ಇದನ್ನು ಓದಿದ ನನಗೆ ನನ್ನ ನೋಟ್ ಬುಕ್ ಕೊನೆಯ ಹಾಳೆಗಳು ನೆನಪಿಗೆ ಬಂದವು,,ಅದರ ಪರಿಣಾಮವೇ..ಈ ನನ್ನ   ''ಮುರಿದ ಸಾಲುಗಳು'' 

 ಕ್ಷಮಿಸಿ ಸೌಮ್ಯ ...ನಾನು ಕೂಡ ಅದೇ ತಲೆ ಬರಹವನ್ನು ಉಪಯೋಗಿಸುತ್ತಿದ್ದೇನೆ,,ಕಾರಣ ಅದು,,ನನಗೆ  ತುಂಬಾ ಇಷ್ಟವಾಯಿತು ಮತ್ತು ಅದಕ್ಕಿಂತ ಸೂಕ್ತವಾದ ತಲೆ ಬರಹ ಇನ್ನೊಂದಿಲ್ಲ ಎಂಬುದು ನನ್ನ ಅನಿಸಿಕೆ..

''ಭಗ್ನ ಪ್ರೇಮಿಯ ಬಂಜರೆದೆಯಲ್ಲಿ ಭಾವನೆಗಳ ಕಾರಂಜಿ''...!

''ನಿನ್ನ ದಾರಿಗಾಗಿ ಕಾದೆ, ಕಾದೆ,ಕಾದು.. ಸುಸ್ತಾದೆ....ಆದರೂ ಕಾಯುತ್ತಿರುವೆ,,ಏಕೆಂದರೆ ನಾನಿನ್ನು ಬದುಕಿರುವೆ"........!

 

''ಕಣ್ ಮುಚ್ಚಿದರು  ನೀನೆ ಕಾಣುವೆ ಎಂದ ಮೇಲೆ  ನನ್ನ ಚಾಳೀಸಿಗೇನು ಕೆಲಸ''.......!

 

''ನಿನ್ನ ನೆನಪಲ್ಲೇ ನನ್ನ ನಾ ಮರತೆ....ಅದು ಸರಿ ನಾನು ಯಾರು...?

 

''ಮೊದಲ ನೋಟದಲ್ಲೇ ಪ್ರೀತಿ ಹುಟ್ಟತ್ತೆ ಅಂತ ನಿನ್ನ  ನೋಡೋದ ಮೇಲೆ  ಅನ್ನಿಸಿದ್ದು....

                                                         ಹಾಗೇನೆ,,

ಆ  ಪ್ರೀತಿ ಬಹಳ ದಿನ ಉಳಿಯಲ್ಲ ಅಂತ ಇವಾಗ ನನ್ನ ನೋಡಿ ಅನ್ನಸ್ತಾ ಇದೆ'' .....!

  

''ನೀನು ಪ್ರೀತ್ಸಲ್ಲ ಅಂತಾ ಗೊತ್ತಿದ್ರು ನಿನ್ನನ್ನೇ ಪ್ರೀತಿಸ್ತಾ ಇರೋ ನನ್ನಂತ ಭಂಡ  ಈ ಜಗತ್ತಿನಲ್ಲೇ  ಯಾರು  ಇಲ್ಲ ಕಣೆ ''....! 

 

ನಿದ್ದೆ ಇರದ ಪ್ರತಿ ರಾತ್ರಿ ನಿನದೆ ನೆನಪು ....

ನಿನ್ನ ನೆನದ ಪ್ರತಿ ರಾತ್ರಿ ನಿದ್ದೆಯೇ ಬಾರದು...

ನಿನ್ನ ನೆನಪಿರದ ರಾತ್ರಿಯೇ ಇಲ್ಲದಾಗಿದೆ...

ಬೇಗ ಬಂದು ನನ್ನ ಮಲಗಿಸೆ ಹುಡುಗಿ.....! 

 

ಮುಸ್ಸಂಜೆಯ ಕನಸಲ್ಲಿ ನಿನ್ನನ್ನು ಕಂಡೆ...

ಎಚ್ಚರಾಗಿ ಕಣ್ತೆರೆದು ನೋಡಿದೆ ಎಲ್ಲೆಲ್ಲು ಕತ್ತಲೆ....

ಮತ್ತೆ ಕಣ್ಮುಚ್ಚಿದೆ ಆದರೆ ನೀನೆ ಕಂಡೆ......!

 

''ಕಾಯುತ್ತಿವೆ  ಕಣ್ಣುಗಳು ನಿನ್ನ ಬರುವಿಕೆಗೆ....ಅಗಲಿದ ಅಮ್ಮನಿಗೆ ಕಾಯುತ್ತಿರುವ ಅನಾಥ ಮಗುವಿನಂತೆ''...! 

 

  ''ನೀನಿಲ್ಲದಿರುವ ನಾನು, ನೀರಿನಿಂದ  ಹೊರಗಿರುವ ಮೀನು''...! 

 

''ಪ್ರೀತಿಯ ಅಮಲಿನಲ್ಲಿ ಅಮಾವಾಸ್ಯೆಯ ಇರುಳು ಹಗಲಿನಂತೆ....!

 

''ದೀರ್ಘ ಕಾಲದ ಹ್ಯಾಂಗ್ ಓವರ್ ಮುರಿದ ಪ್ರೀತಿಯ ನಿಶೆ.....!

 

''ಯಾವೊಬ್ಬನು,,,ನಾ ಹುಟ್ಟುವಾಗ ಇದೆ ಜಾತಿಯಲ್ಲಿ ಹುಟ್ಟಬೇಕೆಂದು,,ಅಪ್ಲಿಕೇಶನ್  ಹಾಕ್ಕೊಂಡು,,ಹುಟ್ಟಲ್ಲ''...!

 

''ನನ್ನ ಹೆಸರ ಕೂಗೆ ಒಮ್ಮೆ ಹಾಗೆ ಸುಮ್ಮನೆ,,,

                     ಉಸಿರಿರೋವರೆಗೂ ನಾ ಪ್ರೀತಿಸುವೆ ಬಿಡದೆ ನಿನ್ನನೆ''....!

 

''ಸೋತವರೆಲ್ಲ,,,ಪ್ರೀತಿಸಲಿಲ್ಲವೇ,,,ಎಂಬ..ಪ್ರಶ್ನೆಯು,,,ಯಾವಾಗಲು ಕಾಡುತ್ತದೆ....
                              ನಾನು ಸೋತಿರುವೆ,,,,ಆದರೆ...ಜಾಸ್ತಿ,,ಪ್ರೀತಿಸಿದೆ ಅನ್ಸತ್ತೆ '',,,,! 

  

 

''she is the girl whoo fullfills all my imaagination...

  i forgot the thing that .....

                    even she also had an imagination........!

 

'' ಮರಳಿ ಬರುವೆಯಾ ನೀ ನೆಡೆದು ಹೋದ ದಾರಿಯಲ್ಲಿ,,,
ಕಾರಣ ಕಾಯುತ್ತಿರುವೆ ನಾ ಬೇರೆ ಯಾರಾದರು ಅಳಿಸಿಯಾರು ಎಂಬ ಭಯದಲ್ಲಿ'' .....! 

 

ಪ್ರೀತಿನಾ..ಪ್ರೀತಿಯಿಂದ ಗೆಲ್ಲಬೇಕು..ಅಂತ,,ಇರುವ ಪ್ರೀತಿಯನ್ನೆಲ್ಲಾ ಧಾರೆ ಎರೆದು... ಗೆದ್ದು,,ಪ್ರೆಮಿಗಳಾದವರು,,ಕೆಲವರು....

ಸೋತು... ಭಗ್ನ ಪ್ರೆಮಿಗಳಾದವರು,,ಹಲವರು,,,!

 

ಪ್ರೀತಿ ಮಾಡುವುದು,,ಅಪರಾಧ,,ಎಂದಾಗಿದ್ದರೆ,,,ಭೂಮಿಯ ಮೇಲೆ,,,,ಕಾರಾಗೃಹದ ವಿನಹ,,ಬೇರೇನೂ,,ಇರುತ್ತಿರಲಿಲ್ಲ...!

 

ಭಾಷೆ ಉಳಿವಿಗೆ ...
ಬೇಕಿಲ್ಲ ಗೆಳೆಯ ಬಲಿಧಾನ....
ಮೊದಲು ನೀ ನುಡಿ ನಿನ್ನ ಭಾಷೆಯ ,,,
ಕಂಡಾಗ ಪರಭಾಷೆಯ ಮಹಾಶಯ..........!

''ನಾ ಕಂಡ ಪ್ರತಿ ಚಂದದ ಹುಡುಗಿ ನನ್ನ ಪ್ರಿಯತಮೆಯಾಗಿದ್ದರೆ ಎಂಬ ನವಿರಾದ ಮನಸ್ಸಿನ ಭಾವ ನಿಜವಾಗಿದ್ದರೆ....? 

 

''ಕಣ್ಣು ಕಡಲಾದ ಮೇಲೆ ಕಣ್ಣೀರಿಗೆ ಬರವೇ,,,,!

 

''ಕೊರೆಯುವ ಚಳಿಯಲ್ಲಿ, ಸುರಿಯುವ ಮಳೆಯಲ್ಲಿ ಅದ್ಯಾಕೆ ನೆನಪಿಗೆ ಬರ್ತಿಯೇ,,,ಹುಡುಗಿ''...! 

 

"ಬಳಲಿ ಬೆಂಡಾಗಿರುವೆ  ಆದರೂ ತೆಳಲಾಗದೆ ಮುಳುಗುತ್ತಿರುವೆ ...! 

 

''ಇರನಾರದವನು ಇರುವೆ ಬಿಟ್ಕೊಂಡ ಅಂತ ನಿನ್ನ ಪ್ರೀತಿಸಿದ್ ಮೇಲೆ ಅನ್ನಿಸಿದ್ದು...! 

 

''ಹೆಣ್ಣು '' ತರ್ಕಕ್ಕೆ ನಿಲುಕದವಳು, ವರ್ಣನೆಗೆ ಎಟುಕದವಳು, ಊಹೆಗೆ ಸಿಗದವಳು...ಒಂದೇ ಮಾತಲ್ಲಿ ಹೇಳ್ಬೇಕಂದ್ರೆ.....

ನಮ್ ತಾಯಾಣೆ ಗೊತ್ತಿಲ್ಲ ...!  

 

 

                                                     ಸತ್ಯ ಸಿಂಪ್ಲಿ ಸ್ಟುಪಿಡ್...? 

 

ಭವ್ಯದೀಪ್ತಿ......

ಹೊಸ  ಬಾಳ  ನಿರೀಕ್ಷೆಯಲ್ಲಿ  ..
ಹೊಸ  ಬಯಕೆಗಳ ಹೊತ್ತು
ಹೊರಟಿರುವೆ ನಾನು ಒಂಟಿಯಾಗಿ,,,

ಭವಿಷ್ಯದ ..ಭಯಕ್ಕೆ  ..ವರ್ತಮಾನಗಳ ಬಲಿಕೊಟ್ಟು,,,
ಮತ್ತೊಮ್ಮೆ ಭೂತಕಾಲದ ಅಧಿಪತಿಯಾಗಿ ..
ಬಳಲಬಾರದೆಂಬ ತವಕ ...

ಬೆಳಕಿನಲ್ಲೂ.ಕತ್ತಲೆಂಬ ಭಾಸವೇ ಅಡಗಿಹುದು..
ನವೀನತೆಯಲ್ಲೂ ಪುರಾತನದ  ಕಂಪೆ ತುಂಬಿಹುದು...
ಪ್ರತಿ ನಗುವನ್ನು  ಕಣ್ಣೀರೆ ಹಿಂಬಾಲಿಸಿಹುದು  

ಅಂಧಕಾರದಿಂದ  ಹೊರತಂದು  ..
ನವೀನತೆಯ  ಸುವಾಸನೆಯ ಉಣಿಸಿ
ಕಣ್ಣಿರಿನ ಸಾಗರದಲ್ಲಿ  ನಗುವಿನ ಅಲೆಗಳನ್ನು
ಸದಾ ಕಾಲ ಹೊತ್ತು ತರುವ ....
ನೊಂದ ಜೀವಕ್ಕೆ ತಂಪೆರೆಯುವ  ..

ಒಂದು ಪುಟ್ಟ ಜೀವಕ್ಕಾಗಿ ಹಂಬಲಿಸಿಹುದು...
ಈ ನನ್ನ ಮನ...
ಎಲ್ಲಿರುವೆ....ನೀ ...
ಬೇಗ ಬಂದು ಈ ನನ್ನ ಹೊಸ ಬಾಳ  ಬೆಳಗೆ..
                                                ಭವ್ಯದೀಪ್ತಿ......

                                       ಸತ್ಯ ಸಿಂಪ್ಲಿ ಸ್ಟುಪಿಡ್